BHOOMIYILEKKUM VECHU ETTAVUM BHANGIYULLA VASTHRAM NEYTHEDUKKUNNA THUNNALKKARIYUDEYUM ATHU ANIYAAN KAATHIRIKKUNNA RAJAKUMARIYUDEYUM KATHA

ഭൂമിയിലേക്കുംവെച്ച് ഏറ്റവും മനോഹരമായ വസ്ത്രം തുന്നുന്നതാരാണ്? ആരാണ് അതണിയാന്‍ കാത്തിരിക്കുന്ന രാജകുമാരി? എന്തുകൊണ്ടാണ് അത്രയും സുന്ദരമായ വസ്ത്രം ഇരുട്ടില്‍ നിര്‍മ്മിക്കപ്പെടുന്നത്? ഈ ചോദ്യങ്ങള്‍ക്കെല്ലാമുള്ള ഉത്തരമാണ് ഈ ബാലസാഹിത്യകൃതി.

പോയകാലത്തെയും ഭാവിയെയും കുറിച്ച് അറിയാവുന്ന മഹാജ്ഞാനികളായ രണ്ടു മൂങ്ങകള്‍, മനസ്സലിവുള്ള ഒരു രാജകുമാരന്‍, അദ്ഭുതകരമായ സ്വപ്നങ്ങള്‍ കാണുന്ന അയാളുടെഅമ്മമഹാറാണി, സുന്ദരിയായ ഒരു വനദേവതയും അവളുടെ തോഴിയും, അവരെ ശപിച്ചു ഭൂമിയിലേക്കയ്ക്കുന്ന കോപിഷ്ഠനായ വൃദ്ധതാപസന്‍: ഇവരെല്ലാം നിങ്ങളെ വിചിത്രമായൊരു ലോകത്തേക്കു കൂട്ടിക്കൊണ്ടുപോകുന്നു.

കാക്കരദേശത്തെ ഉറുമ്പുകള്‍, പക്ഷികള്‍ നിറങ്ങളെക്കുറിച്ചു തര്‍ക്കിക്കുന്നു എന്നീ രചനകള്‍ക്കുശേഷം ഇ. സന്തോഷ്‌കുമാര്‍ കുട്ടികള്‍ക്കായി എഴുതിയ നോവല്‍.