Shahjada darasukoh : Set of 2 Volumes (Malayalam)

മഹനീയമായ മാനുഷിക മൂല്യങ്ങൾ വിഭാവനം ചെയ്യുന്ന ദാരാസുകൊ ഉന്നതമായ ഗവേഷണത്തിലൂടെ ആവിഷ്കരിക്കപ്പെട്ട ചരിത്രാഖ്യായിക യാണ്. അക്‌ബർ ചക്രവർത്തിക്കു മുമ്പായി തന്നെ ഇസ്ലാം-ഹൈന്ദവ മതവിശ്വാസങ്ങളെ കൂട്ടിയിണക്കി മതമൈത്രി ഉണ്ടാക്കാൻ ശ്രമിച്ച, ഷാജഹാൻ ചക്രവർത്തിയുടെ കടിഞ്ഞൂൽ പുത്രനായ, ദാരാസുകൊ യുടെ ദാരുണമായ ജീവിതത്തെയും അദ്ദേഹത്തിന്റെ പ്രവർത്തികളെയും മനോഹരമായി ചിത്രീകരിച്ചിരി ക്കുന്നു ശ്യാമൾ ഗംഗോപാദ്ധ്യായ ഈ ചരിത്രാഖ്യായികയിൽ. രണ്ടു ഭാഗങ്ങളിലായി പ്രസിദ്ധീകൃതമായ ഈ ചരിത്രാഖ്യായികയ്ക്ക് 1993-ൽ സാഹിത്യ അക്കാദമി (The National Academy of the Letters, India) പുരസ്ക്കാരം ലഭിക്കുകയുണ്ടായി.

ചൂള തൊഴിലാളിയായി (Furnace Helper) ജീവിതമാരംഭിച്ച ശ്യാമൾ ഗംഗോപാദ്ധ്യായ (ജനനം:1933) കഠിനമായ സ്വപരിശ്രമത്തിലൂടെ അദ്ധ്യാപകൻ, പത്രപ്രവർത്തകൻ, സർഗ്ഗാത്മക രചയിതാവ് എന്നീ നിലയിലേയ്ക്ക് എത്തിച്ചേർന്നത് അവിശ്വസീനമായി തോന്നാം. പത്തോളം ചെറുകഥാസമാഹാര ങ്ങളും അറുപതിലേറെ നോവലു കളും രചിച്ചിട്ടുള്ള ശ്യാമ-ഗംഗോപാ ദ്ധ്യായ ജപ്പാൻ, തായ്ല‌ാന്റ്, ഫിലി പ്പെൻസ്, അമേരിക്ക എന്നീ രാജ്യ ങ്ങൾ സന്ദർശിച്ചിട്ടുണ്ട്. മോത്തി ലാൽ, താരാശങ്കർ, ബിഭൂതി ഭൂഷൺ, കഥ തുടങ്ങിയ പുരസ്ക്കാരങ്ങളോ ടൊപ്പം 1993-ൽ സാഹിത്യ അക്കാദമി പുരസ്ക്കാരത്തിനും അർഹനായി.

ദാരാസുകൊ മലയാളത്തിലേയ്ക്ക് വിവർത്തനം ചെയ്തത് ലീല സർക്കാർ ആണ്. എൺപതുകളിൽ വിവർത്തനത്തിലേയ്ക്കു പ്രവേശിച്ച ലീല സർക്കാർ 1993-ൽ ‘അരണ്യ ത്തിന്റെ അധികാരം’ എന്ന വിവർത്ത നത്തിന് സാഹിത്യ അക്കാദമിയുടെ വിവർത്തനത്തിനുള്ള പുരസ്ക്കാരം നേടുകയുണ്ടായി. ഇതിനകം ഒട്ടേറെ വംഗസാഹിത്യകൃതികൾ മലയാള ഭാഷയിലേയ്ക്ക് പരിഭാഷപ്പെടുത്തി യിട്ടുണ്ട്